Policia e Elbasanit ka vënë në pranga një nga autorët e ngjarjes së 2 gushtit në Elbasan, ku mbetën të plagosur tre persona. Ndërsa është shpallur në kërkim autori kryesor i plagosjes së trefishtë.
Sipas policisë, është arrestuar një 34-vjeçar me inicialet I.B, ndërsa është shpallur në kërkim një person me inicialet G.M, 42-vjeç, i cili rezulton një person i dënuar më herët.
Operacioni për kapjen e një prej autorëve është zhvilluar nga specialistët për Hetimin e Krimit ndaj Jetës dhe Lirisë së Personit, në DVP Elbasan, në bashkëpunim me Forcat Operacionale të Drejtorisë së Përgjithshme të Policisë së Shtetit.
Të plagosur nga të shtënat me armë kanë mbetur shtetasit Astrit Cerriku dhe Mihal Kocaqi, ndërsa kanë goditur me sende të forta Fejzi Agon. Raportohet se personat e lënduar ndodhen jashtë rrezikut për jetën.
