Dy vëllezër nga Bulqiza kanë mbetur të plagosur, si pasojë e një sherri për motive të dobëta.
Mësohet se në zonën e Bulqizës ka shkuar helikopteri i ministrisë së Shëndetësisë, por nuk dihet nëse ka transportuar njërin apo të dy vëllezërit.
Sipas policisë, të dy ata ndodhen jashtë rrezikut për jetën.
Bulqizë/ Informacion paraprak
Rreth orës 20.00, në qytetin e Bulqizës, dyshohet se pas një konflikti për motive të dobëta shtetasi E.T., ka plagosur me mjet të mprehtë (thikë) shtetasit D.N., dhe A. N., (vëllezër), të cilët po marrin ndihmë mjekësore në spital dhe ndodhen jashtë rrezikut për jetën.
Pas ngjarjes autori i dyshuar është larguar menjëherë dhe në ndjekje të tij janë vënë forcat e policisë.
Grupi hetimor vijon hetimet për zbardhjen e rrethanave të plota të ngjarjes.
