Pjesëtarët e kartelit në Meksikë kanë varur nëntë trupa nga një urë, si një paralajmërim rrëqethës për bandat rivale, mes një lufte të përgjakshme në terren.
Viktima e dhjetë u gjet gjithashtu në një rrugë aty pranë, nga banorë të tmerruar në komunën Zacatecas të Cuauhtémoc, rreth orës 6 të mëngjesit të së enjtes.
Zyrtarët paralajmëruan se ‘shfaqja’ shqetësuese ishte e lidhur me një mosmarrëveshje të egër midis bandave të pamëshirshme kriminale, që veprojnë në zonë.
Nëntë trupat u hoqën përfundimisht nga mbikalimi nga policia, rreth orës 10 të mëngjesit me orën lokale. Sipas mediave lokale, shumica e të vdekurve u identifikuan si banorë të qytetit të vogël të Cuauhtémoc, i cili ka një popullsi prej vetëm 6.660 banorësh.
“Ata paguajnë për mëkatet e të tjerëve, nuk është e drejtë që ata ta bëjnë këtë me ne sepse paguajnë për mëkatarët”, tha një vendas i frikësuar për ‘TV Azteca Noticias’.
Një tjetër shtoi: “Është e frikshme të dalësh natën. Duhet të flesh herët dhe çdo natë ka zhurmë, motoçikleta, ulërima, gjëra të tilla”.
Një “hetim intensiv” ishte duke u zhvilluar, tha qeveria lokale, megjithëse ende nuk është bërë asnjë arrestim.
Burimi i lajmit: New York Post. Përshtatur nga Tirana Today
