Qeveria shqiptare pritet që të enjten të prezantojë paketën e krizës energjetike. Lajmin e dha zv/kryeministrja Belinda Balluku, e cila tha se plani parashikon disa masa drastike.
Për shkak të krizës, qeveria ka hartuar një plan masash drastike, me qëllim ruajtjen e energjisë elektrike.
Duket se qeveria shqiptare nuk ka asnjë skenar për ndërprerjen e energjisë elektrike në vend pas orës 22:00 të mbrëmjes, siç është diskutuar në disa vende të BE kohët e fundit.
“Nuk më rezulton që të ketë masa për ndërprerje të energjisë pas orës 22:00, se do ishte një masë emergjence shumë e madhe, por nuk ndodh kjo, pas orës 22:00 kërkohet ndërprerje e ndriçimit publik.
Gjermania e ka aplikuar këtë. Aplikimi i ndriçimit publik, njësive tregtare ndodh nga ora 16:00 pasdite deri në 20:00 të darkës, vetëm me interval lejohet që të ketë drita të ndezura. Por flasim për ambientet publike e pas atij momenti fiken dritat deri të nesërmen në 16:00 pasdite.
E ka nisur Gjermania, po e aplikojnë dhe shtete të tjera. Nesër ne do bëjmë prezantimin e paketës për energjinë dhe për fashën 800 kw/h që do nisë aplikimin nga 1 tetori dhe disa masa të tjera drastike që ne do duhet të marrim në vijim.
Disa janë marrë si praktikat më të mira nga shtetet e tjera evropiane, disa janë kostumizuar me kërkesën e vendit tonë, nesër do kemi mundësinë në 09:00 të prezantojmë paketën e energjisë elektrike”.
