Aktualisht situata mes qeverisë dhe Presidencës është më e tensionuar se asnjëherë.
Deklaratat e forta të Kreut të Shtetit Ilir Meta pas zgjedhjeve të 30 qershorit kanë ngjallur reagime të ashpra nga ana e socialistëve. Pas reagimit të zëdhënëses së qeverisë Elisa Spiropali ka reaguar edhe ish-deputeti socialist Pjerin Ndreu i cili ka fituar Bashkinë e Lezhës në garën e 30 qershorit.
Në një postim në rrjetin social Facebook, Ndreu shkruan për Metën: “Sa nder po na bën. I shkon gjuha ku i dhemb dhëmbi duke dekonspiruar veten lakuriq. Faleminderit se po na lehtëson përkthimin shqip-shqip!”
