Ndonëse emri i tij dukej sikur ishte harruar, Mihal Kokëdhima e kërkon qëndrën e vemendjes. Mbarë opinioni publik u trondit pas videove të bëra virale, ku ai hipte sipër një furgoni me turistë spanjollë dhe i dhunonte. Por Mihal Kokëdhima është rikthyer sërish në fokus, pasi është filmuar duke u bërtitur disa pushuesve që kishin kaluar një gardh në breg të detit, në një pronë të zaptuar nga ai.
“Ik nga prona ime, gjej rrugën nga te duash. Ik ore pis, o lango, ore qen, hajde ktu po ta mbajti. Si mund të hipesh mbi gardh, unë e kam rrethuar, ti…”, dëgjohet në video Kokëdhima.
Për çfarë mbahet mend Kokëdhima? Historia lidhet me restorantin e Kokëdhimës, ku shkuan disa turistë spanjollë me guidë shqiptare. I gjithë sherri nisi për një ngatërresë në numrin e peshqve të porositur nga familja spanjolle e biznesmenit të njohur Eugenio Galdon, themelues i kompanisë ‘ONO’.
Eugenio Galdon së bashku me familjen e tij kishte zgjedhur Shqipërinë e bukurive të jashtëzakonshme natyrore, për të pushuar, por u përball me një situatë aspak të zakontë, gati-gati si një skenar filmash “hollivudian” që askujt nuk i kishte shkuar ndërmend.
Në restorantin ‘Panorma’, porosia e tij erdhi me shumë vonesë, por u përndoq nga pronari i hotelit, Mihal Kokëdhima. Ky i fundit iu hodh me trup furgonit ku udhetonin spanjolli së bashku me familjen e tij, dhe teksa automjeti ishte në ecje, Kokëdhima godiste me grushte xhamin e përparmë duke e thyer atë.
