Gerard Piqué është një ndër futbollistët më të urryer nga tifozët e kombëtares spanjolle. Por nuk ndodh e njëjta gjë me shokët e skuadrës. Ai ka zbuluar disa prapaskena për “The Players Tribune” sa i përket kontakteve që ai mbanë me lojtarët që luajnë me Realin dhe një grup në WhatsApp që është më i pëlqyeri prej tij.
“Në fillimin e sezonit, kur kishim një avantazh prej 8/9 pikësh ndaj Real-it, kam krijuar një grup special që përfshin lojtarë të kombëtares spanjolle që luajnë te Barça dhe Real”, ka thënë Pique.
“Ngacmojmë njëri-tjetrin gjatë gjithë kohës, dukemi si fëmijë. Por kohët e fundit ata të Real janë më pak të lumtur… . Grupi quhet ‘Urime’”, ka shtuar.
Të gjithë e dinë se lojtarët kanë grupe në WhatsApp. Unë kam një për miqtë e mi, një tjetër për shokët e skuadrës, por ai që më pëlqen më shumë është ai që kemi bashkë me lojtarët e Real. Gjërat nuk po shkojnë mirë për ata në këtë moment dhe mesazhet e tyre nuk janë shumë optimiste. Shkruajnë gjëra, si: ‘Tri pikë sot. Duhet të punojmë më shumë!’ Unë i pyes pse janë kaq seriozë dhe i dërgoj fytyra të përlotura”, ka thënë mbrojtësi i Barçës.
