Sot pritet që Kuvendi të mblidhet në seancë plenare, ku të raportojë Kryeprokurorja e Përgjithshme, Arta Marku, për raportin vjetor të organit të akuzës. Kjo e fundit ishte parashikuar që do të raportonte seancën e kaluar, por mungoi, ndërsa u justifikua se për shkak të gjendjes shëndetësore nuk mund të ishte në seancë.
Një pikë tjetër e rendit të ditës është edhe miratimi i ndryshimeve ligjore në Kodin Penal, ku përfshihet edhe ‘krimi zgjedhor’.
Një ditë më parë, Komisioni i Ligjeve i miratoi këto ndryshime, ku mes të tjerash u bë me dije se kush pengon zgjedhjet, do t’i ndalohet 5-10 vjet lëvizja jashtë vendit.
Po ashtu sot do të ketë interpelancë me Ministren e Infrastrukturës dhe Energjitikës, Belinda Balluku, kërkuar nga deputeti Artur Roshi.
