Moti i keq që ka përfshirë gjithë rajonin ka bërë që porti i Barit të anulojë të gjitha lundrimet e anijeve drejt Durrësit.
Përmes një postimi në Facebook, Drejtoria e Përgjithshme Detare bën me dije se porti i Barit është mbyllur për ditën e sotme dhe ka njoftuar menjëherë këtë institucion për vendimin. Por edhe porti i Durrësit ka pezulluar të gjitha udhëtimet drejt Barit. Edhe pse për udhëtimet e tjera drejt Italisë porti i Durrësit vijon të jetë i hapur.
Njoftimi i plotë:
Njoftim ! Duke parë perkeqësimin e motit ne ditët e para të vitit 2020 dhe kontaktet me kapitenerinë e portit te Barit, Drejtoria e Përgjithshme Detare njofton se : 1-Porti i Barit është mbyllur sot dhe tragetet nga Bari për Durrës nuk janë nisur deri në një urdhër te dytë nga kapiteneria e portit Barit. 2-Porti i Durrësit është i hapur dhe në gatishmëri por për arsye të mbylljes te portit te Barit do ndalojmë nisjen e tregeteve nga Durrësi për në Bari për të shmangur qëndrimin e trageteve dhe të pasagjerëve në radën e portit te Barit. Kërkojmë mirëkuptimim e pasagjerëve të bllokuar në portet e Barit dhe të Durrësit pasi e gjitha bëhet per të garantuar sigurinë lundrimore në situatat detare me mot te përkeqesuar, erë te fortë e dallgë të larta. Për çdo ndryshim do ju mbajmë të informuar ose mund të merrni informacion në terminalet e portit Barit dhe Durrësit. Drejtoria e Pergjithshme Detare
