Gazetari dhe ish-deputeti Alfred Peza, tha në studion e emisionit “Opinion” se presidenti Meta nga pikëpamja kushtetuese nuk mund ta shpërndajë parlamentin. Më tej, ai u shpreh se tashmë Meta ka nisur një projekt të ri politik, për të marrë drejtimin e opozitës. Sipas tij, lufta nuk është me mazhoracën dhe Ramën, por me Bashën për rolin e kreut të opozitës.
“Nga pikëpamja kushtetuese, presidenti nuk e shpërndan parlamentin. Ilir Meta tregon se mund ta shpërndajë parlamentin, nisur nga mënyra si veproi me zhdekretimin e zgjedhjeve në 30 qershor.
Ilir Meta mund ta shpërndajë parlamentin, por ky do të ishte fundi i tij politik, edhe nëse ai ka ambicie për t’u rikthyer si lider i një partie politike.
Ilir Meta sot ka nisur një projekt të ri politik, lufta nuk është me mazhoracën dhe Ramën është me Lulzim Bashën për rolin e kreut të opozitës.
Ilir Meta ishte në rolin e liderit të opozitës, Lulzim Basha ishte në rolin e argatit që i solli votuesit e tij për t’ja konfirmuar këtë gjë”, u shpreh Peza.
