Para protestës kombëtare kundër rritjes së çmimeve, që është thirrur në Tiranë, ka reaguar kryeministri Edi Rama. Teksa ka postuar një foto nga mbledhja e qeverisë, kryeministri thotë se po bëhet gati paketa sociale për situatën e krijuar.
“Kryeministria – Paketa e Rezistencës Sociale ndaj pasojave të krizës globale energjetike si edhe të luftës në Ukrainë mbi çmimet po merr formë përfundimtare”, shkruan Rama.
Reagimi i qeverisë, vjen pas një vale protestash në të gjithë vendin, kundër rritjes së ndjeshme të çmimeve, të karburanteve dhe jo vetëm.
Qytetarët janë mbledhur para Sheshit “Skënderbej”, ndërsa janë mobilizuar me pankarta.
“Petullat nuk bëhen me ujë, vaji 350 lekë”, është një prej pankartave, duke ironizuar rritjen e çmimit të produkteve ushqimore dhe jo vetëm.
