Ish-kreu i LSI-së ka reaguar lidhur me deklaratat e kryeministrit Rama për sa i përket numrit të punonjësve për çështjen e Vettingut.
Me anë të një postimi në Facebook, Vasili ka publikuar 4 pika ku shkruan se kryeministri duhet sqaruar se Vettingu është i pavarur dhe jo pronë e tij, ndërsa i kujton Ramës që ka 650 punonjës, duke e pyetur se përse e pengon Vettingun të përmbushë kërkesat më minimale dhe shkurton 70 vetë.
Më tej, Vasili shprehet se shqiptarët nuk duan Vettingun e Ramës, por dua drejtësinë që SHBA dhe BE kërkojnë.
REAGIMI I VASILIT:
Kryeministri i paditur, që do të bllokojë vetingun.
Kryeministri tha sot: “Vetingu nuk është çështje numrash, por strukturimi”.
E para: Ky kryeministër duhet sqaruar, që megjithëse ai e do për vete, vetingu është i pavarur dhe jo pronë e tij.
Së dyti: Ky kryeministër ka një ushtri parazitësh rreth vetes me 650 vetë, atëherë pse e pengon vetingun të permbushë kërkesat më minimale dhe i shkurton 70 vetë? Është i paditur dhe e urren vetingun, ndaj e pengon të funksionojë.
Së treti: Shqiptarët nuk presin drejtësinë dhe vetingun nga kryeministri, që mbushi me drogë Shqipërinë, por presin drejtësine që SHBA dhe BE kërkojnë.
Së katërti: Vetingun nuk e vendos dot as muhabeti bajat dhe as marrëveshjet gajasëse që bën qeveria me qeverinë, alias grupin parlamentar të Partisë Socialiste, por Kushtetuta dhe ligji.
