Një lajm i mirë për botën e futbollit. Mesfushori danez Kristian Eriksen, ka lënë ambientet e spitalit, pas ndërhyrjes së suksshme kirurgjikale, ku në zemrën e tij vuri një defribilator.
Lajmin e ka bërë të ditur Federata Daneze e Futbollit, përmes një njoftimi në rrjetet sociale. Pasi doli nga spitali, Eriksen ka vizituar shokët e tij të skuadrës, dhe i ka motivuar për ndeshjen e rradhës.
Ai pati një mesazh edhe për tifozët, duke i falënderuar për mesazhet e shumta që kishte marrë.
“Faleminderit për urimet e tuaja të pafundme. Operacioni shkoi shumë mirë. Ishte me të vërtetë bukur të takoja shokët e skuadrës pas një paraqitjeje dinjitoze mbrëmjen e djeshme. Do të bëj tifo për ta të hënën në sfidën ndaj Rusisë”, tha Eriksen.
Christian Eriksen has been discharged from the hospital. More here
#ForDanmark pic.twitter.com/jzF338XiC1
— DBU – En Del Af Noget Større (@DBUfodbold) June 18, 2021
