Nga 11 maji, vajzat dhe gratë do të kenë mundësi të shkojnë në sallone bukurie. Këto dy muaj në karantinë kanë qenë mjaft të vështira jo vetëm për femrat, por edhe për parukeritë që nuk u kanë shërbyer klientëve të tyre.
Sikundër është njoftuar edhe më herët, parukeritë dhe qendrat estetike do të hapen në masa të forta anti-covid, të hartuara në një protokoll nga Instituti i Shëndetit Publik.
Çdo klient duhet të lërë një takim më parë në telefon, pasi nuk lejohet të krijohen radhë brenda ose jashtë subjektit që ofron shërbimin.
Punonjësit duhet ta mbajnë maskën në çdo moment, ndërkohë që klienti duhet të mbajë distancë dhe koha e shërbimit të jetë sa më e shkurtër.
Në morinë e shumë kërkesave që duhet të zbatohen nga biznesi në fjalë, është edhe larja e shpeshtë e peshqirëve.
“Peshqirët duhet të jenë të ambalazhuar/paketuar dhe të përdoren vetëm njëherë për çdo klient. Pas përdorimit hidhen në kosh të mbyllur të veçantë. Peshqirët duhen larë çdo ditë. Prekja e peshqirëve të papastër, bëhet vetëm me doreza”.
