Politikanët në Shqipëri nuk kanë vuajtur asnjëherë nga asnjë Vetting, e ndërsa rrjeta e ligjit e ka të vështirë t’i kapë. Nëse ndërkombëtarët e kanë seriozisht se në Shqipëri duan të instalojnë shtetin e së drejtës, më parë duhet të dijnë vendodhjen e tyre. Është gazetari Flamur Vezaj i cili ka ngritur zërin për një rast, që si ky mund të ketë edhe shumë të tjerë.
Ai i ka dedikuar disa rrjeshta rastit të shtetasit Manoli Irfan Bega, të cilin e konsideron si një ‘peshk të madh’. Vezaj thotë se Bega, që njihet dhe me 4 identitete të tjera, është ndaluar në Greqi për llogari te dënimit të dhënë nga Italia, për trafik të drogave të forta, në kuadër të organizatës kriminale.
Vezaj shprehet se biznesmeni në fjalë njihet dhe si një mik i ngushtë me politikanët Gramoz Ruçi, Sadri Abazi e Taulant Balla, ndërsa kohët e fundit shoqërisë së tij i është shtuar edhe kryetari i Bashkisë së Tiranës.
Për rrjedhojë, ky peshk i madh i ka të gjitha mundësitë që të mbrohet nga politikanët shqiptarë.
Statusi:
“Peshku i madh” që mbrohej nga politikanët!
Manoli Irfan Bega, 48-vjeç, i njohur edhe me emra të tjerë si: Edmond Bego, Mondi Bega, Saimir Sina apo si Belul Gjahtari, kapet ne Greqi për llogari të dënimit të dhënë nga Italia për trafik të drogave të forta në kuadër të organizatës kriminale etj, etj! Ai njihet nga gazetarët e kronikes dhe sportit si ish-president i ekipit futbollistik të Lushnjes, i emëruar nga “shefi” i tij tashmë i dënuar me burgim të perjetshëm Aldo Bare!
Lidhjen me të cilin vazhdon ta mbaj, duke “përfituar” me raste edhe shuma të medha parash në emër te “shefit” te tij që vazhdon të vuaj burgun në qelit e Drenovës në Korçë! 48-vjeçari me disa emra, tashmë i rehabilituar në një biznesmen të suksesshëm i ndërtimit në Tiranë njihet edhe si një mik i ngushtë me politikanët si Gramoz Ruçi, Sadri Abazi e Taulant Balla!
Por kohët e fundit shoqërise së tij i është shtuar edhe kryetari i Bashkisë së Tiranës, Lali Eri sidomos pas premtimit që i ka bërë biznesmenit të arrestuar, për dhenien e tenderit të projektin e ri te “Unaza e Re”, projekti që do të bashkojë shkollën Teknologjike me rreth-rrotullimin Shqiponja, i prezantuar si një investimet më të mëdha infrastrukturore të Bashkisë së Tiranës dhe qeverisë!
Të gjithë këta bashkë, dyshoj se e kane ndihmuar biznesmenin me shumë emra dhe financuesin e fushatave njeherazi krahun e djathtë të Aldo Bares të mos arrestohet në Shqipëri prej vitesh edhe pse emri i tij rezultonte në kërkim në sistemin e policisë!
Eshtë njohja e tij me politikanet që ka “detyruar” Gjykatat shqiptare që ti ndryshojnë dënimin e dhënë në Itali me 11 vjet burg, duke ia konvertuar në Shqipëri në vetëm 4 vjet e 4 muaj burg! Vendim ky që detyroi palën italiane të ndërpresë sjelljen ne Shqiperi të njohjeve te vendimeve penale për shtetasit shqiptare për shkak te uljes drastike te masave të denimit!
Në perfundim, në bashkëpunim me mediat pranë pushtetit dhe personave të interesuar, do te lexoni e degjoni se 48-vjeçari është arrestuar kot ne Greqi, pasi në Shqiperi ai nuk kishte arsye te arrestohet pasi e ka përfunduar denimin fal procedures së sjelljeve të mira dhe lirimit me kusht!
