Ëndrrat janë pjesë e veçantë e jetës tonë. Pothuajse çdo natë ne shohim nga një ëndërr. Shumicën e ëndrrave i harrojmë brenda 10 minutave, dhe nuk na kujtohen më. Sa më shumë që i kushtojmë vëmendje ëndrrave aq më shumë i mbajmë mend ato. Kur janë të këqija na shqetësojnë jo pak. Por ekspertët thonë se nuk duhet të mërzitemi.
- Ëndrrat e këqija nuk kanë asgjë për t’u frikësuar
Askujt nuk i pëlqen një ëndërr e keqe. Por edhe ato i shërbejnë një qëllimi. Një studim tregon se ato na përgatisin për të përballuar më mirë frikërat tona në jetën reale. Një grupi të ri pjesëmarrësish iu tregua një seri imazhesh shqetësuese, si fotografi të sulmeve terroriste.
Sa më shumë frikë të kishin përjetuar gjatë gjumit të tyre të mëhershëm,aq më pak frikë kishin ndjerë kur kishin parë këto imazhe. Si duket frika nga ëndrra, kishte frenuar reagimet e tyre plot frikë kur janë zgjuar.
- Ju mund të kontrolloni ëndrrat që shihni
Gjatë një të shtuquajture “ëndërr me sy hapur”, ëndërruesi e kupton se është duke parë
Një ëndërr dhe mund të kontrollojë atë që ndodh. Një studim nga Universiteti i Adelaidës në Australi, që hulumtoi disa teknika të mundshme zbuloi se njëra ishte efektive.
Kur përdorej 5 minuta menjëherë para se të binte në gjumë, teknika “MILD” (induksioni mnemonik i ëndrrave të para në gjendje të kthjellët) funksiononte në 4 për qind të kohës. Gjithçka ka të bëjë me përsëritjen me vete të frazës:”Herën tjetër kur do të ëndërroj, do të kuptoj se po ëndërroj”.
- Njerëzit që nuk mendojnë se mund të ëndërrojnë më
Deficiti i aktivizimit automatik është një gjendje e shkaktuar nga dëmtimi i ganglioneve bazale, në të cilën njerëzit raportojnë jo vetëm që nuk kanë asnjë mendim në kokë, por kanë humbur të gjithë vetë-motivimin. Atyre u duhet thënë nga kujdestarët që të bëjnë gjithçka, nga larja e dhëmbëve deri tek ngrënia.
Por edhe pse mendja e tyre është e zbrazët gjatë kohës që janë zgjuar, një studim i botuar nga një ekip në Francë, tregon se disa prej tyre ende ëndërrojnë. Ky grup kishte shumë më pak të ngjarë të përjetonte ëndrra të fazës REM sesa njerëzit e shëndetshëm, dhe ëndrrat që ata shikonin nuk kishin kompleksitetin dhe emocionet që i karakterizojnë ëndrrat e zakonshme.
Thjeshtësia e ëndrrave të këtyre pacientëve, mbështet teorinë e ëndërrimit “nga poshtë-lart” -pra që ëndrrat fillojnë nga aktiviteti në trurin e trurit, që ndiqet më pas nga hyrja kortikale, e cila lejon përvoja komplekse emocionale dhe ndijore.
- Disa ilaçe mund t’ju bëjnëtë “ëndërroni” gjatë kohës që jeni zgjuar
Droga psikedelike DMT, prodhon në tru dukuri që janë të njëjta me ato që shfaqen gjatë ëndërrimit. Një studim zbuloi se krahasuar me pjesëmarrësit që kishin marrë një placebo, grupi që mori këto lloj drogash kishin shumë më pak aktivitet të valës alfa (ritmi elektrik dominues në tru kur jemi zgjuar), dhe tregoi gjithashtu një rritje të valëve theta, të cilat shoqërohen me gjendjen e të ëndërruarit.
“Nga valët e ndryshuara të trurit dhe raportet e pjesëmarrësve në eksperiment, është e qartë se këta njerëz janë zhytur tërësisht në përvojën e tyre”- thotë studiuesi kryesor, Kristofer Timerman i Kolegjit Mbretëror të Londrës. “Është të ëndërrosh, por me sytë hapur”- shton ai.
- Ëndrrat u marrin jetën disa njerëzve
Për disa njerëz, ëndrrat e tyre më sy hapur janë aq të gjalla, saqë “jeta reale” kalon në plan të dytë. Siç e shpjegon një i sëmurë me sindromën Maladaptive Daydreaming (MD) “Keqvendosjen e Ëndërrimit më sy hapur”:”Unë jam i kujdesshëm dhe kontrolloj veprimet e mia në publik. Prandaj nuk është e qartë kur mendja ime zhytet vazhdimisht në këto histori dhe unë përhumbem në to”.
Studiuesit thonë se në vitet e fundit është bërë gradualisht e qartë se këto lloj ëndrrash, mund të evoluojnë në një sjellje ekstreme dhe jo adaptuese, deri në pikën kur ajo kthehet në një gjendje klinikisht serioze, që mund të jetë kërcënuese për jetën e personit.
Burimi i lajmit: https://digest.bps.org.uk/2020/11/04/five-strange-facts-about-dreams/
Përshtatur nga TIRANA TODAY
