Pas vendimit të Gjykatës për të shtyrë seancën në datën 19 shtator, ish-ministri Saimi Tahiri është shprehur i gatshëm të faktoj me letër porosi nga të gjitha vendet e BE që thonë që nuk ka asnjë pasuri.
Po kështu ai tha se është i drejtëpërdrejtë dhe se nuk ka asnjë tokë, asnjë shtëpi, as një makinë në ato vende, dhe nuk ka pasur shpenzime marramendëse.
“Nuk i shkoj fare historisë nëse dënohem, këto janë hipoteza. Janë aq shumë hipoteza, saqë më shkon nëpërmend dënimi. S’kam asnjë kod, unë jam shumë i drejtëpërdrejtë. Përtoj të gënjej, e kam kollaj të them çfarë mendoj drejtpërdrejt. E përmenda atë që unë kam shpenzuar 140 euro, ndërsa të tjerë 900 euro nata në hotel, siç përmenda edhe veten se më kanë akuzuar që kam përdorur hotel 1 mijë euro nata.
Unë faktoj me letër porosi nga të gjitha vendet e BE, që thonë që unë nuk kam asnjë pasuri, asnjë tokë, asnjë shtëpi, as një makinë në ato vende, dhe nuk kam pasur shpenzime marramendëse. Kjo ishte sa për të thënë është banale, që drejtësia ka mundësi të dyshojë edhe më fortë. Edhe unë e them prap që do të kem kohë në vazhdim të flas”, tha Tahiri.
Më tej, Tahiri ka shtuar se kur ishte ministër, ka bërë të pamundurën për të luftuar trafiqet dhe të njëjtën gjë do të bënte po ta kthente kohën sërish.
“Prokuroria kishte dy vjet kohë të vërtetonte. Unë këtë thash, prokuroria kishte dy vjet kohe. Kam qenë Ministër i Brendshëm për 4 vjet e pak ditë. Kam bërë të pamundur duke luftur kriminalitetin. Kam bërë të mundur që një qytetar i thjesht të mos gjykohet, lërë kur më ndodh edhe mua kjo, çfarë situate është kjo.
Kam bërë të pamundurën për të luftuar kundër trafiqeve. Do të bëja të njëjtën gjë, do bëja sërish po të kthehesha mbrapsht. Fuqitë nuk do më lënë ti shkoj deri në fund të vërtetës time. Do i shkoj vesh më vesh dhe shtëpi më shtëpi, do i bëj. Si mund të luftoja në Lazarat dhe të kultivoja drogë?”, shtoi Tahiri.
