Sërish terror në Elbasan. Tre muaj pas skenarit të frikshëm të Lefter Zhidrus, një tjetër person ka terrorizuar me armë zjarri efektivët e policisë pasditen e sotme.
Një 45-vjeçar i identifikuar si Josif Kavaja, ka terrorizuar banorët e fshatit Seltë në Elbasan dhe familjarët e tij, pasi ka qëlluar me armë zjarri në ajër.
Me mbërritjen e forcave RENEA, ai është frikësuar, ka dalë nga shtëpia e tij dhe ka marrë arratinë drejt pyllit. Por, sipas raportimeve të fundit, mësohet se Kavaja aktualisht ndodhet në banesën e tij, ka fikur dritat dhe kërcënon se do të vrasë familjarët.
Efektivët e policisë po negociojnë me të që të dorëzohet, por ai nuk pranon. Dyshohet se 45-vjeçari vuan nga probleme të shëndetit mendor, pasi nuk është hera e parë që ai tremb banorër duke shtënë në ajër me armë zjarri.
