Përplasjet e forta në PD, shpallja “non grata” e Berishës e rikthimi në Kuvend janë risjellë sërish në fokus. Ish-prokurori Shkëlqim Hajdari, i ftuar në “Repolitix”, teksa komentoi deklaratën e Escobar, u shpreh se është një qëndrim që mund të lexohet në disa variante.
“Një qëndrim që duhet aty ku thotë; mund të lexohet që Berisha mund të krijojë një parti pasi PD nuk e merr dot me letrat ligjërisht dhe mund të krijojë një parti politike. Kjo është gjë e rëndë që për njerëzit dhe për kontributet e Berishës. Escobar edhe kur ishte në Tiranë, deklaroi ne jemi vend që punojmë me institucionet tona Kushtetuese, ligjzbatuese amerikane dhe nxisim organet e brendshme të Shqipërisë që të hetojnë zyrtarët e lartë përfshirë ato “non grata”, dhe jemi plotësisht të gatshëm që nëse na i kërkojnë këto insitucione, që t’ua ofrojmë në mënyrën e duhur ligjore. Mbetet institucionet shqiptare që nëse kanë të dhëna për z. Berisha apo të tjerë “non grata” të fillojnë hetimet dhe ti kërkojnë SHBA nëpërmjet letërporosive se çfarë materialesh në fushën e korrupsionit të thellë kanë ato për X zyrtarë. Kjo nuk duron dot më, sepse zv. Ndihmës Sekretari Amerikan i Shtetit e kanë përsëritur”.
Ose SPAK-u s’ka prova, ose s’ka këllqe?!
“SPAK-u në dhjetor e ka mbyll me shqiptarët sepse u plotësuan hetuesit e Byrosë Kombëtare të Hetimit në pikëpamje të funksionimit. Çështja në SPAK nuk rregjistrohen në varësisë të rëndësisë që kanë, por në varësi të kallëzimit. Partneri strategjik SHBA, ta ka dhënë rrugën nëse i doni provat.
Çdo njeri përfshirë Berishën ose kundërshtarët që i bëjnë thirrje Berishës pse nuk shkojnë provat tek gjyqi në Francë. Kjo është kakofoni politike. Zv. Ndihmës Sektetari Amerikan i Shtetit ka thënë; organet e zbatimit të ligjit në Shqipëri janë në dispozicion të tyre. SHBA nuk janë vend që diskutojnë në rang global, që shkelin të drejtat e njeriut”.
Teksa komentoi zgjedhjet e pjesshme vendore, tha se nëse dy kampet e selisë blu e shtyjnë “luftën” përtej 6 marsit, do të ketë një garë të vërtetë në zgjedhje.
“PD është më e favorizuar, ka komisionerë, numërues, por që opozita shqiptare me 2 apo 3 kadidatë, nëse ndodh ndonjë mrekulli hyjnore. Opozita nëse thotë se e shtyjmë luftën pas 6 marsit, atëherë ka garë”, tha Hajdari.
