Një shqiptar ka mbetur i plagosur nga të shtënat me armë që kanë tronditur mëngjesin e sotëm kryeqytetin grek. Ngjarja ndodhi në kryqëzimin e rrugëve Marni dhe Aristotelous. Policia gjeti një makinë të vjedhur, shoferi reagoi dhe policia qëlloi.
Pak para orës 09:00, anëtarët e ekipit DI.AS gjetën një automjet “Peugeot” i cili drejtohej nga një burrë në kryqëzimin e rrugëve Marni dhe Aristotelous në sheshin Vathi.
I japin sinjal që të ndalojë, dhe gjatë kontrollit konstatohet se automjeti është vjedhur, ndërsa shoferi me origjinë shqiptare reagon, shtyn policin dhe futet në automjet. Më tej kthehet prapa për ta shkelur.
Oficeri i policisë i DI.AS qëllon dy herë. Sipas informacioneve, njëri prej plumbave e ka goditur autorin në këmbë.
Forcat e policisë kanë shkuar në vendngjarje, dhe një ambulancë ka marrë të plagosurin.
Burimi i lajmit: Protothema. Përshtatur nga Tirana Today
