Një aksident i rëndë është shënuar ditën e sotme në Portugali, teksa një tren pasagjerësh është përplasur me një mjet mirëmbajtjeje.
Të paktën dy vagonë dolën nga shinat në aksidentin në rajonin qendror Coimbra të Portugalisë, duke bërë që dy persona të humbin jetën dhe 57 të tjerë të plagosen.
Kryebashkiaku Mario Nunes njoftoi se viktimat ishin dy punonjës të mirëmbajtjes, që po punonin në binarë kur u goditën nga treni.
Ndërsa nga të plagosurit në tren shtatë ishin në gjendje kritike, duke përfshirë dhe makinistin.
Dy ambulanca ajrore kishin ardhur në skenë për të ndihmuar me të plagosurit, ndërsa autoritetet thanë se më shumë se 150 vetë personel ndihme kishin ardhur në vendngjarje. 212 pasagjerë ishin në bordin e trenit të linjave Alfa Pendular, më i shpejti në vend.
