Kreu i Bashkisë, Erion Veliaj ka komentuar sot përplasjen mes policisë bashkiake dhe disa ish-deputetëve, që dolën në mbështetje të banorëve të Bregut të Lumit.
Gjatë fjalës së tij në një aktivitet, Veliaj tha se “fëmijët teveqelë e të llastuar të politikanëve, po tentojnë të pengojnë punimet.”
“Ju e dini fare mirë, ky është një qytet që ka vështirësitë e veta. Teksa flasim, po ecim me punimet për tek piazza e fundit e Bulevardit të Ri, por ka ende fëmijë teveqelë e të llastuar politikanësh dhe të fortësh të politikës shqiptare, që i bëjnë rezistencë ndryshimit, por ndryshimi do vijë. Edhe i paevitueshëm. Në mos do e sjellim ne, do e sjellë dikush që vjen pas nesh. Po më mirë ta sjellim ne që e kemi në dorë, sesa t’ia lëmë gjithmonë si gjobë një gjenerate tjetër”, tha Veliaj.
Banorët e Bregut të Lumit janë përplasur sërish sot me policinë, duke kundërshtuar shembjen e shtëpive të tyre, pranë të cilëve kanë qenë edhe ish-deputetë të PD-së dhe LSI-së.
