Ylli Mema u aksidentua teksa po qarkullonte me biçikletë në Lezhë.
Pas përfundimit të veprimeve hetimore, rezulton se autor është shtetasi A.K. 32 vjeç, banues në Mamurras. Dyshohet se 32-vjeçari ka aksidentuar me dashje Ylli Memën, për shkak të një konflikti të mëparshëm mes tyre. Mësohet se viktima ka qenë martuar me të motrën e autorit, ndërsa ishin ndarë pak kohë më parë.
Sakaq, 37-vjeçari ka ndërruar jetë në spital, ndërsa autori i dyshuar shtetasi A.K. është shpallur në kërkim dhe punohet për kapjen e tij.
Materialet procedurale janë referuar pranë Prokurorisë së Rrethit Gjyqësor Lezhë për veprime të mëtejshme.
