Një aksident i rëndë ka ndodhur mëngjesin e sotëm në autostradën Fier-Lushnjë, ku 3 makina janë përplasur me njëra-tjetrën.
Ngjarja ka ndodhur në vendin e quajtur pushimi i shoferit, teksa mësohet se dy automjete kanë përfunduar në kanal, ndërsa e treta është larguar nga vendi i ngjarjes pas përplasjes mes tyre.
Sipas informacioneve paraprake, nga kjo përplasje janë plagosur 2 persona, të cilët ndodhen jashtë rrezikut për jetën. Policia ndodhet në vendngjarje dhe ka nisur punën për zbardhjen e dinamikës së aksidentit.
