Një aksident me pasojë katër të plagosur ka ndodhur në unazën e qytetit të Elbasanit.
Aksidenti, fatmirësisht pa pasoja për jetën ka ndodhur pranë stacionit të trenit, ku mjeti tip “BMV” me drejtues shtetasin I.D., është përplasur me mjetin tip “Ford” me drejtues shtetasin A.K.
Si pasojë e aksidentit janë dëmtuar lehtë dy drejtuesit e mjeteve dhe dy pasagjerë. Të lënduarit ndodhen në spitalin e Elbasanit, jashtë rrezikut për jetën.
Grupi hetimor ndodhet në vendngjarje, dhe po punon për zbardhjen e shkakut të aksidentit.
