Banorët e zonës së Erzenit në Sukth, kanë debatuar me Kryebashkiaken e Durrësit Emirjano Sako, e cila ka shkuar të shohë nga afër situatën e përmbytjeve.
Banorët i janë ankuar Sakos se shkak i përmbytjeve është dora e njeriut pasi sipas tyre Bashkia u kishte premtuar se do të merrnin 2 milion lekë për familje në vitin 2016 dhe sipas tyre ata nuk kanë marrë asgjë.
“Moj zonjë në 2016 u mbytëm, u shkatërruam komplet me gjithçka kishim, i rregulluam me forcat tona, nuk morëm asnjë lekë nga shteti. Ra tërmeti, i rregulluam prapë. Me 30 milionë lekë tani po më ikën truri nuk kam asnjë gjë tani”, shprehet një banore e revoltuar.
Nga ana tjetër, Sako u kthehet gazetarëve dhe u kërkon heqjen e kamerave.
