Kryetari i PD-së, Lulzim Basha ka ashpërsuar gjuhën ndaj komunikimit me kryeministrin Edi Rama për çështjen e përmbytjeve në Shkodër.
Me anë të një statusi në rrjetin social “Facebook”, Basha paralajmëroj çdo zyrtar që refuzon të marrë përgjegjësitë, se do të përballet me pasojat më të forta ligjore dhe penale.
Lideri demokrat i kërkon shtabit të emergjencës ti kërkojë zyrtarisht qeverisë shpalljen e emergjencës. Basha thotë se qindra familje janë të izoluara nga uji në Shkodër dhe se situata po përkeqësohet nga ora në orë dhe se dhjetëra prej tyre janë evakuuar vetëm orët e fundit. Ai shtoi se sipërfaqja e përmbytur është dyfishuar brenda dy ditësh.
Postimi i plotë i Sali Berishës
Gjendja në Shkodër po përkeqësohet nga ora në orë. Qindra familje janë të izoluara nga uji. Dhjetëra prej tyre janë evakuuar vetëm orët e fundit.
Shkarkimet e ujit nga KESH vazhdojnë në nivele të larta. Sipërfaqja e përmbytur është dyfishuar brenda dy ditësh.
Deri tani kryeministri dhe vartësit e tij kanë injoruar kërkesën e përsëritur të kryetares së Bashkisë, këshillit bashkiak, kryetares së Qarkut dhe deputetëve demokratë, për të shpallur emergjencën.
Në këto kushte kjo nuk është vetëm e papërgjegjshme por KRIMINALE!
I bëj thirrje shtabit të emergjencës ti kërkojë zyrtarisht qeverisë shpalljen e emergjencës. Çdo orë e humbur rrezikon jetë njerëzish dhe mund të sjellë pasoja të pariparueshme. Paralajmëroj çdo zyrtar që refuzon të marrë përgjegjësitë, se do të përballet me pasojat më të forta ligjore dhe penale.
