New York-u po vuan pasojat e përmbytjeve masive. Zyrtarët po u bëjnë thirrje njerëzve të qëndrojnë brenda, ndërsa punonjësit e urgjencës fillojnë të pastrojnë qytetin dhe vlerësojnë dëmet e shkaktuara në rrugë dhe autostrada.
Zyra e kryetarit Bill de Blasio postoi në Twitter: “Qëndroni në shtëpi sa më shumë që të jetë e mundur, deri sa të përmirësohen kushtet”.
Urdhri i ndalimit që u bën thirrje njerëzve të qëndrojnë brenda, u lëshua të enjten.
Të paktën nëntë persona kanë vdekur pas përmbytjeve të shpejta. Disa njerëz u bllokuan në bodrumet e përmbytura të shtëpive të tyre, ndërsa një trup u gjet në një automjet që u rrëmbye nga përmbytjet.
Guvernatorët e New York-ut dhe New Jersey-t shpallën gjendjen e jashtëzakonshme dhe kryetari i qytetit të Nju Jorkut, Bill de Blasio, e quajti atë një “ngjarje historike të motit”.
Të paktën 8 cm shi ra në vetëm një orë në Central Park të New Yorkut. Pothuajse të gjitha linjat e metrosë në New York janë mbyllur, dhe automjetet jo urgjente janë ndaluar në rrugë. Shumë fluturime dhe trena jashtë New York dhe New Jersey janë pezulluar.
Kryetari i bashkisë së qytetit Passaic në New Jersey, Hector Lora, tha për CNN se trupi i një burri në të 70 -at e tij ishte gjetur nga një automjet që ishte përfshirë nga përmbytjet.
NBC New York ka raportuar se të paktën një person tjetër ka vdekur në New Jersey. NBC dhe AFP raportuan se shtatë persona kishin vdekur në New York City, pasi ishin bllokuar në bodrumet e tyre. Një djalë dy vjeç ishte mes viktimave në New York. Pamjet në mediat sociale treguan ujë që derdhej në stacionet e metrosë dhe shtëpitë e banorëve, dhe përmbytën rrugët.
Burimi i lajmit: BBC. Përshtatur nga Tirana Today
