Qeveria e Nepalit ka njoftuar se është rritur numri i të vdekurve nga përmbytjet dhe rrëshqitjet në 3 ditët e fundit në Nepal. Nga dita e djeshme numri është rritur në 55 persona të vdekur si dhe dhjetëra të tjerë janë shpallur të humbur ose janë të plagosur.
Shirat e vazhdueshëm goditën shumë zona në Nepal, duke zhytur breza të mëdha toke. Me qindra shtëpi janë përmbytur duke bërë që rreth dhjetë mijë njerëz të zhvendosen nga banesat e tyre, si dhe shumë ura të rëndësishme në qarkullim janë shkatërruar plotësisht.
Një deklaratë e Ministrisë së Brendshme tha se 55 persona u konfirmuan të vdekur dhe 33 të plagosur si dhe 30 të tjerë janë të zhdukur.
Ndërkohë rreth 1.5 milionë njerëz janë zhvendosur nga shtëpitë e tyre në pjesën verilindore të Indisë, e cila po ashtu është goditur nga përmbytjet, nga të cilat janë raportuar 10 viktima. Edhe në divizionin Chittagong të Bangladeshit situata paraqitet tejet e rënduar pasi janë raportuar 10 persona të vdekur, 500 mijë të zhvendosur dhe 200 fshatra të përmbytura.
