Shërbimi Kombëtar Meteorologjik i Gjermanisë, ka parashikuar se mund të ketë reshje të mëdha shiu këtë fundjavë, në rajonet e prekura nga përmbytjet shkatërruese.
Meteorologët njoftuan reshjet e dendura pritet të fillojnë pasditen e së shtunës, të cilat më vonë do të përhapeshin në pjesë të mëdha të provincës gjermane të Rhineland-Palatinate, të prekur më rëndë nga përmbytjet.
Zyrtarët, ndërkohë, thanë se bilanci i viktimave të përmbytjeve në provincën perëndimore ishte rritur në 125, shkruajnë mediat e huaja.
Në të gjithë Gjermaninë, të paktën 174 njerëz humbën jetën nga përmbytjet, ndërsa 31 persona kanë vdekur në Belgjikën fqinje.
Autoritetet gjermane kanë ndërtuar një kamp të madh për ekipet e shpëtimit në stadiumin Nürburgring. Më shumë se 4,500 zjarrfikës, ushtarë dhe anëtarë të mbrojtjes civile janë të angazhuar në pastrimin e zonës, së shkaktuar nga përmbytjet dhe vërshimi i ujit.
