Franca jugperëndimore është përfshirë nga përmbytjet si pasojë e reshjeve të dendura të shiut në disa rajone, por edhe në Paris.
Për shkak të reshjeve të shumta, Lumi i Senës ka dalë nga shtrati duke përmbytur edhe rrugët në Paris. Niveli i ujit tashmë ka kaluar në 4.6 metra, por ekspertët thonë se në ditët në vijim, mund të nisë stabilizimi i situatës, shkruan agjencia e lajmeve, Reuters.
Ndërkohë, qindra persona janë evakuar në shumë zona, përfshirë bordonë, ku lumi Charente ka shënuar një nivel rekord prej 6.20 metrash. Edhe qyteti Cognac, qendra e prodhimit të konjakut ka mbetur nën ujë.
Meteorologët presin që uji të nisë të tërhiqet në mesjavë, por në vijim, Francën e pret një tjetër sfidë, ajo e valës së të ftohtit që tashmë i ka përfshirë vendet më në veri të kontinentit.
