Dy qytetet e mëdha Durrësi dhe Shkodra janë përmbytur pas reshjeve të shiut. Niveli ujit në disa zona të këtyre qyteteve ka arritur në 20 deri në 30 cm. Prezencë uji ka edhe në rrugët kryesore të qytetit dhe lëvizja e njerëzve dhe mjeteve është vështirësuar.
Për situatën e krijuar ka reaguar kryebashkiakja e Shkodrës, Voltana Ademi. Ajo është shprehur se është përkeqësuar situata për shkak të shkarkimeve nga hidrocentralet.
“Në Anën e Malit janë 900 ha tokë të përmbytura dhe ka rritje të ujit në toka e rrugë deri në 30-50 cm. E njëjta situatë edhe në njësinë Dajç, situata është përkeqësuar. Nga lumenjtë ka një rritje prej 25-30 cm. Në Dajç ska furnizim me energji elektrike,” tha Ademi.
Sipas IGJEUM situata e parashikuar paraqitet e veshtirë, që do thotë se lumenjtë do kenë prurje të larta sidomos në veri dhe kjo edhe me shkrirjen e borës dhe reshjeve. Drini dhe Buna kane patur rritje të niveleve. Rritja në lumin Buna dhe në liqen do të jetë më e ndjeshme në vazhdimesi.
“Situata varet vetëm nga shkarkimet në kaskadën e Drinit. Në zonën e Nën-Shkodres pritet që rreziku i përmbytjeve të jetë më i madh. Më 8 mars pritet që te jetë situata më e veshtire. I kërkoj prefektit të mbledhë komisionin e emergjencave në menyrë urgjente dhe të analizohet situata e rëndë e krijuar kjo bazuar nga situata reale nga terreni dhe jo raportime fiktive siç ka ndodhur deri tani. Kërkoj shpalljen e emergjencave për Bashkine Shkoder aty ku ka përmbytje,” është shprehur kryebashkiakja e Shkodrës.
