Policia Rrugore e Tiranës, ka shtuar masat pas motit të keq që ka përfshirë vendin. Më konkretisht, pas përmbytjeve në Tiranë, Durrës, Elbasan, Krujë dhe Lezhë, policia u tërheq vëmendjen drejtuesve të mjeteve që të bëjnë kujdes. Po kështu, apelojnë ndaj drejtuesve të mjeteve që të evitojnë përdorimin e alkoolit gjatë drejtimit të mjeteve, dhe të tregojnë kujdes maksimal për të evituar përfshirjen në aksidente dhe ngjarje rrugore.
“Nisur nga moti i keq, me reshje të dendura shiu në disa zona të vendit kryesisht në Tiranë, Durrës, Elbasan Krujë, Lezhë, Shërbimi i Policisë Rrugore tërheq vëmendjen e drejtuesve të mjeteve të bëjnë kujdes të veçantë sidomos:
- Kufiri i shpejtësisë së mjeteve duhet të jetë jo më shumë 50 Km/h nëse dukshmëria është me e vogël se 100 metra.
Në situatën e rënduar të motit në tunele, në hyrje dhe në brendësi të tyre:
- Zvogëloni shpejtësinë;
- Aktivizoni ajrin riqarkullues të kabinës së mjetit;
- Nëse konstatohet rrezik ndaloni para hyrjes së tuneleve;
- Mbani krahun e djathtë;
- Respektoni shpejtësinë e lejuar të treguar nga sistemi i sinjalizimit;
- Aktivizoni sinjalin bllokues në rast rreziku;
- Bëni kujdes nga ndryshimi i kushteve atmosferike, mbi sipërfaqen e rrugës;
- Bëni kujdes nga ndryshimi ndriçimit në hyrje dhe dalje të tunelit.
Në raste përfshirje aksidentesh duhet të mbani parasysh:
- Mos lëvizni nga vendngjarja;
- Telefononi menjëherë në numrin 112 dhe prisni mbërritjen e ndihmës së parë;
- Jepni informacion për emrin dhe numrin tuaj të telefonit, vendin ku ka ndodhur ngjarja dhe nëse nevojitet ndërhyrja;
- Aktivizoni sinjalin bllokues të rrezikut;
- Sigurohuni që jeni të dukshëm nga të tjerët (vishni jelek fosforeshentë) dhe evitoni mundësinë e ndodhjes së ndonjë aksidenti tjetër ose rëndimin e pasojave;
- Vendosni trekëndëshin e rrezikut në distancë të mjaftueshme;
- Ndaloni në të djathtë të karrexhatës nëse është mundësia;
- Përdorni mjetet e ndihmës së parë;
- Largimi nga vendi i ngjarjes, rrezikon ndalimin dhe arrestimin e menjëhershëm, përveç pezullimit të lejes së drejtimit.
Drejtuesit e mjeteve të evitojnë përdorimin e alkoolit gjatë drejtimit të mjeteve dhe të tregojnë kujdes maksimal për të evituar përfshirjen në aksidente dhe ngjarje rrugore.
#kontribuodhetipersigurinerrugore
