Pamjet e fëmijës që i doli para automjetit të policisë pak ditë më parë, në përplasjen e banorëve me policinë për shkak të një konflikti të pronës, bëri bujë në rrjet e në media.
Djali që shihni në foto quhet Ekluan. Fotoja ku ai qëndroi mbi makinën e policisë duke qarë preku çdo shqiptar. Ekluani ka treguar se në ato momente kërkonte të ndalonte policinë që të merrnin dajën e tij dhe ta çonin në komisariat.
Duke folur për emisionin “Të paekspozuarit”, Ekluani tregon se ka frikë se do të mbetet pa shtëpi.
Pse u shtrive sipër makinës së policisë gjatë protestës?
Ekluani: Nuk doja të ma çonin dajën në komisariat
Çfarë të tha polici?
Ekluani: Nuk biseduam
Ke frikë se ngelesh pa shtëpi?
Ekluani: Po, ajo që unë kërkoj është një shtëpi
