Dhjetëra të burgosur kanë humbur jetën si pasojë e përplasjeve mes dy grupeve rivale brenda një burgu në Brazil. Ngjarja ndodhi në burgun e Altamiras, ku të dënuarit u përfshinë në një përleshje me sende të forta që zgjati për më shumë se 5 orë. Sipas mediave vendase raportohet për më shumë se 50 viktima.
Zyrtarët e institucionit në fjalë, gjatë një konference për shtyp thanë që 16 prej të vdekurve u ishte prerë koka, ndërsa pjesa tjetër u mbyt pasi një pjese të burgut iu vu zjarri.
Po ashtu, u morën peng dhe 2 roje, të cilët më pas u lanë të lirë pa lëndime.
Burgu në Altamira ku shpërtheu dhuna ka një kapacitet prej 200 vetash, por u pushtua nga rreth 300 të burgosur.
Ndërkohë, autoritetet ende nuk bëjnë me dije emrat e bandave të përfshirë në ngjarje, për të shmangur një përshkallëzim të situatës jashtë hekurave të burgut.
