Italia ka pësuar sërish një rritje të numrit të viktimave nga koronavirusi në bilancin ditor.
Sipas mediave vendase, në 24 orët e fundit janë shënuar 602 viktima. Pas një ulje që bëri para dy ditësh ku u shënuar 431 viktima sot është dita e dytë radhazi që ky numër rritet.
Ditën e djeshme shteti fqinj shënoi 566 viktima, ndërsa sot 36 më shumë. Ndërkohë janë regjistruar 3,153 raste të reja, ndryshe nga dje ku u shënuan 2,972.
Italia shënon deri më tani 21,607 viktima nga koronavirusi, duke u renditur e dyta në botë për numrin më të madh të vdekjeve, pas SHBA-ve.
Mbi 37 mijë persona janë shëruar në Itali, ndërsa 3,186 pacientë ndodhen në gjendje kritike për jetën.
Numri i rasteve ende aktive në Itali është 104, 291. Ky numër është edhe më i lartë se i Spanjës e cila shënon rreth 10 mijë raste (në total) infektimi se sa Italia.
Spanja ka shënuar mbi 172 mijë raste infektimi, por numri i rasteve aktive është vetëm 86,981.
Në të gjithë botën janë regjistruar pothuajse 2 milionë raste infektimi, ndërsa më shumë se 123 mijë persona kanë humbur jetën.
