Kreu i Lëvizjes për Zhvillim Kombëtar, Dashamir Shehi i ftuar në “Arena” shprehet se nuk mendon si Partia Demokratike për ata deputetë që pranojnë mandatet, pasi i duket një veprim stalinist.
Shehi, shfaqet kundër përjashtimit nga partia, duke shtuar se i përjashton morali politik.
“Unë jam nga ata që nuk mendoj si kolegët nga Partia Demokratike, që thonë përjashtoni ata që pranojnë mandatin, unë nuk jam prej këtyre, sepse më duket si stalinizëm. Lëri atje ku janë s’ka nevojë t’i përjashtojmë fare, këta i përjashton morali politik, nga ana juridike nuk ka ndonjë vlerë të madhe. Ne po mbivlerësojmë disa personazhe kot fare.”, deklaroi Dashamir Shehi.
