Deputeti demokrat, Enkelejd Alibeaj ka folur për mediat, pas përjashtimit të deputetit Basha nga Gramoz Ruçi.
Këtë përjashtim, Alibeaj e cilësoi si të padrejtë, ndërsa shtoi se Gramoz Ruçi nuk mund t’i mbyllë më gojën opozitës, dhe se Basha dhe opozita do vazhdojnë të qëndrojnë në Kuvend edhe pas përjashtimit të deputetit.
Deputeti i PD-së u shpreh se mazhoranca nuk pranon debatin për shkak të mungesave të argumenteve para shqiptare në çështjet e lidhura me krimin.
FJALA E ALIBEAJT:
Ky tempull këtë nuk është më i Gramoz Ruçit, nuk është një vend ku snajperat e Ruçit mund t’i mbyllin gojën opozitës. Opozita do qëndrojë këtu dhe do presim me qetësi, nuk mund të ndodhë më t’i mbyllet goja opozitës.
Ka një gjë që s’ka ndodhur, po themi që është mospërgatitja e mazhorancës, në fakt nuk është kjo arsyeja, por është mungesa e argumentit.
Meqë nuk kanë argument, gjetën këtë zgjidhje, por neve s’do na e mbyllin gojën kurrë.
Nuk duan të përballen me të drejtën e shqiptarëve për të ditur se çfarë po ndodh në Elbasan, apo në Vlorë./ Tirana Today
