Kreu i grupit parlamentar të PS-së, Taulant Balla ka bërë me dije se Kuvendi nuk do të mblidhet në seancë plenare.
Përmes një postimi në Facebook, Balla sqaron se ky veprim është ndërmarrë në kuadër të respektimit të masave të përcaktuara nga Ministria e Shëndetësisë, për përhapjen e koronavirusit.
Kujtojmë se pak më parë u njoftua edhe pezullimi i takimeve partiake të PS, për shkak të përhapjes së koronavirusit.
Postimi i plotë:
KUVENDI I SHQIPËRISË NUK DO TË MBLIDHET NË SEANCE PLENARE, NË KUADËR TË MASAVE TË DOMOSDOSHME PËR SITUATËN E EMERGJENCËS.
Deputetët do të vijojnë angazhimin e tyre në komisione dhe në ndjekjen e situatës, duke respektuar masat e rrepta të përcaktuara nga MSH.
? FRIKË JO, KUJDES PO!
? MASAT SHTRËNGUESE DO TË VIJONË SIPAS PLANIT DHE KONTRIBUTI I ÇDO QYTETARI ËSHTË ESENCIAL PËR PËRBALLIMIN ME SA MË PAK PASOJA TË ARMIKUT TË PADUKSHËM QË KËRCËNON SHËNDETIN TONË E TË NJERËZVE MË TË DASHUR RRETH NESH?
#tëBASHKUAR #njëSHTETnjëFAMILJE
