Gazeta gjermane “Bild” ka publikuar pasditen e sotme në total 16 video-përgjime të shit-blerjes së votave. Në video-përgjimin numër 9-të dëgjohet të flasë në telefon zyrtari i Ministrisë së Brendshme Arben Keshi me shefin e komisariatit të Kamzës Sali Skurën.
Ky i fundit ndër të tjera dëgjohet të thotë se 7 autobuzë të Kamzës ka arritur t’i bllokojë, ndërsa të tjerët ia kanë hedhur me miqësi.
Biseda e përgjuar:
Arben Keshi: Po.
Sali Skura: O Beni, Sala jam.
Arben Keshi: Hë mo, ca bëne?
Sali Skura: Çkemi, si ia çove?
Arben Keshi: Mirë, si ia kalove ti?
Sali Skura: Hë ç’bëhet andej?
Arben Keshi: Nuk e di. Mirë më duket, por ke parasysh thes i mbyllur.
Sali Skura: Po, po, po, si duket situata?
Arben Keshi: Po mirë.
Sali Skura: Flas, a ka pjesëmarrje.
Arben Keshi: Aq o sa kanë marrë vazhdimisht. Ke parasysh te 52 përqindëshi, se nuk bëhet më.
Sali Skura: Si shkon Maqellara. Çfarë bëhet?
Arben Keshi: S’e di, mirë , mirë, mirë. Të jemi të zotë vetë më mirë. Është zonë e palexueshme kjo.
Sali Skura: Po e vërtetë.
Arben Keshi: A erdhët shumë veta mbrëmë këtej mo?
Sali Skura: Si?
Arben Keshi: A erdhën shumë autobusë mbrëmë?
Sali Skura: Jo, jo, nja 7 i bllokuam. Po, po i kemi bllokuar. Të tjerët ia hodhën kështu me miqësi.
Arben Keshi: Shumë mirë.
Sali Skura: Mirë. Me kujdes vëlla. Hajde me fitore.
Arben Keshi: Rrofsh faleminderit.
