Lidhur me video-përgjimet e bëra publike ditën e djeshme nga gazeta gjermane “BILD”, që dëshmonin haptazi shit-blerjen e votës në Dibër, ka reaguar edhe nënkryetari i LSI-së Petrit Vasili.
Ky i fundit përmes një postimi në rrjetin social Facebook, mjaft i revoltuar ka shkruar ndër të tjera se “ky është fundi dhe këta të pacipë guxojnë e flasin në vend që të largohen një orë e më parë”.
“Qeveria bandite e Ramës dhe ndarja e tenderave shpërblim për Dibrën. Lexojeni përgjimin e publikuar nga BILD se si ndan tenderat dhe paratë e shqiptarëve Gjiknuri në shkëmbim të votave të Dibrës në 2016-ën. Ky është fundi dhe këta të pacipë guxojnë e flasin në vend që të largohen një orë e më parë. Lexojeni dhe çdo gjë flet vetë”, shkruan Vasili.
