Gazetari Carlo Bolino, ditën e sotme ka sqaruar me detaje përgjimet nga hetuesit italianë, ku kanë dalë biseda që anëtarë të grupit mafioz Ndragheta duan të investojnë në Shqipëri.
I ftuar në emisionin ”Top Talk”, gazetari ka thënë se bizneset që përmenden në përgjimet që prej disa ditësh kanë qenë në fokus të mediave, nuk ekzistojnë në Shqipëri.
“Unë e kam lexuar dosjen, 1500 faqe që ka nënshkruar Prokurori antimafia, dhe 400 faqe që ka firmosur gjykata. Tani për sa i përket çështjes shqiptare nuk ka asnjë fakt konkret. Përveç shumë premtime dhe propozime se nuk duken njohuri konkrete. Vetë prokurori pranon që deri më 2018 ku është koha e përfundimit të hetimit. rezulton që e gjitha premtimet e bizneset në Shqipëri nuk janë realizuar fare”, tha Bollino.
Megaoperacioni i drejtuar nga prokurori Nicola Gratteri zbuloi lidhjen e klanit mafioz “Ndrangheta” me zyrtarë dhe politikanë në Shqipëri.
Sipas bisedave të publikuara, mafia italiane ka dërguar biznesmenin Antonio Gallo në vendin tonë që të futet në tendera dhe të ngrejë biznese përmes të cilave të pastrohen paratë e tyre.