Pas 3 orësh bisedime, ka përfunduar takimi në Gjenevë midis Presidentit të SHBA-ve Joe Biden, dhe homologut të tij rus, Vladimir Putin.
Takimi i zgjeruar dypalësh, u zhvillua me pjesëmarrjen e ndihmësve të presidentëve, dhe u zhvillua në dy sesione, që zgjatën nga një orë e gjysmë secila, shkruan The Guardian.
Shtëpia e Bardhë kishte thënë fillimisht se bisedimet do të zgjasnin nga katër deri në pesë orë, por samiti zgjati shumë më pak sesa ajo që priste ekipi i Biden.
Pas përfundimit të bisedimeve, Biden dhe Putin do të zvhillojnë konferenca të veçanta për shtyp, ku do të flasin në lidhje me temat e diskutuara.
JUST IN: Pres. Biden departs after high-stakes summit with Russian Pres. Vladimir Putin; press conference expected to follow.
LIVE UPDATES: https://t.co/oU2NdPiY8k pic.twitter.com/SHUWkmhJug
— ABC News (@ABC) June 16, 2021
Sipas raportimeve paraprake, mësohet se delegacionet e dy vendeve kanë diskutuar rreth stabilitetit strategjik, luftën kundër koronavirusit, situatën në Ukrainë dhe perspektivat e bashkëpunimit ekonomik.
Ata gjithashtu do të kërkojnë të gjejnë gjuhë të përbashkët për çështje të tjera, të tilla si siguria e informacionit, lufta kundër krimit kibernetik, ndryshimi i klimës dhe Arktiku.
