E shtunë, 31 Korrik, 2021
31.5 C
Tirana

Futbollistët luajnë shumë ndeshje, ndaj rrezikojnë jetën në fushë

Edhe pse prej shumë kohësh është konsideruar si një problem me të cilin duhet të merret bota e sportit profesional, shpeshtësia e angazhimeve dhe ndeshjeve të nivelit të lartë të futbollit të luajtura vitin e fundit, mund të jetë një faktor përcaktues dhe shqetësues për udhëtimet që duhet të bëjnë futbollistët në “Euro 2020”.

Pezullimi për shkak të pandemisë midis dimrit dhe pranverës së sezonit të kaluar, i ka bërë në fakt kalendarët futbollistikë edhe më të ngjeshur dhe kaotik se sa normalisht. Për pasojë, pushimet e akorduara për lojtarët kanë rënë ndjeshëm, siç tregohet nga analiza e fundit nga qendra zvicerane e studimit CIES, e cila llogariti në prag të turneut ngarkesen e lojtarëve të thirrur nga kombëtaret e tyre për Kampionatin Evropian, midis klubeve dhe ekipeve kombëtare.

Sipas rezultateve, shumë nga skuadrat që marrin pjesë në “Euro 2020” kanë luajtur pothuajse vazhdimisht që nga qershori i vitit të kaluar, dhe ekziston një ndryshim i madh mes ekipeve të mëdha kombëtare dhe të tjerave.

FIFPro, sindikata botërore e futbollistëve, rekomandon një numër maksimal prej 60 ndeshjesh në sezon (apo gjatë gjithë vitit), 14 ditë pushim në dimër, 28 deri në 42 ditë pushim në verë, një numër të kufizuar udhëtimesh në vende të largëta, dhe të paktën 5 ditë kohë nga njëra ndeshje tek tjetra.

Këto kufij janë tejkaluar kryesisht nga 100 lojtarë në ligat evropiane të divizionit të parë, dhe për shumë prej tyre impenjimet nuk kanë përfunduar ende, pasi ata vazhdojnë të jenë të angazhuar me Kampionatin Evropian që po zhvillohet këto ditë.

Bruno Fernandez, mesfushori sulmues i Mançester Junajtid dhe Portugalisë, është lojtari që ka shënuar më shumë pjesëmarrje (81 ndeshje) dhe më shumë minuta të luajtura (6.472) në Evropë. Pas tij vjen Herri Meguajër, shoku i skuadrës së Fernandez tek Junajtid dhe mbrojtës i ekipit kombëtar anglez, me 72 ndeshje dhe 6.449 minuta të luajtura.

Ndër lojtarët e tjerë që kanë shënuar më shumë pjesëmarrje në këtë sezon sigurisht që janë edhe portierët, dhe i pari prej tyre është italiani Xhianluixhi Donaruma, që cili sezonin e fundit ka luajtur me Milanin. Aktivizimi i tyre i përgjithshëm fizik mund të thuhet se është më i vogël krahasuar me një lojtar që është në lëvizje, por niveli i lodhjes mendore besohet se është i njëjtë.

Pas arrestit të papritur kardiak që pësoi Kristian Eriksen gjatë ndeshjes Danimarkë-Finlandë, një futbollist 29-vjeçar në kulmin e karrierës së tij, sindikata FIFPro theksoi se kjo ishte ndeshja e tij e 66-të përgjatë një viti, 52 prej të cilave me Interin, skuadrën italiane me të cilën ai luajti rregullisht në gjysmën e dytë të sezonit.

Numri i 66 ndeshjeve konfirmohet nga CIES, pra 65 ndeshje përpara asaj kundër Finlandës: Eriksen është lojtari i katërt më i angazhuar nga Danimarka, i treti në lëvizshmëri dhe i 11-ti për minutat në fushë.

Gjithashtu, viti kalendarik i angazhimeve do të fillonte menjëherë vetëm pas një pauze të shkurtër disa ditor, me një ndeshjeje të Danimarkës më 8 shtator dhe fillimit të Serisë A në 26 shtator. Aktualisht, mjekët po përpiqen të gjejnë arsyet e arrestit kardiak të Eriksen, dhe nuk ka të dhëna që kjo të ketë ardhur si pasojë e lodhjes përgjatë këtij sezoni.

Javën e shkuar, Sekretari i Përgjithshëm i FIFPro Xhonas Baer-Hofman deklaroi:“Që të jem i sinqertë, ne jemi shumë të shqetësuar. Kjo situatë ka vazhduar për vite me radhë dhe pandemia i ka përkeqësuar gjërat. Disa prej lojtarëve të nivelit të lartë, deri në 80 për qind të ndeshjeve i luajnë vetëm me 3 ose 4 ditë pushim mes njëra-tjetrës. Këta shifra duhet të ulen”.

Burimi i lajmit: https://www.ilpost.it/2021/06/14/christian-eriksen-partite-fifpro/

Përshtatur nga TIRANA TODAY

- Reklama -

Më shumë nga kategoria




Të fundit

Lamtumirë doktor!

Nga Dritan Hila Ka kohë që diplomatët amerikanë kanë hequr dorashkat. Jo më larg se dje, ambasadorja e SHBA me një gjuhë cinike iu tha...

Shkelën rregullat kundër Covid, përjashtohen 2 sportistë nga Olimpiada në Tokio

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...

Teatri Kombëtar në pronësi të Bashkisë/ PD: Rama nuk pyet për drejtësinë

Partia Demokratike ka reaguar ashpër ndaj vendimin e qeverisë për t'i kaluar truallin e Teatrit Kombëtar në pronësi të Bashkisë së Tiranës. Deputetja e zgjedhur...