E diel, 28 Nëntor, 2021
12.5 C
Tirana

BE-ja bie dakord për sanksione të reja ndaj Bjellorusisë

Bashkimi Evropian ka rënë dakord për të vendosur sanksione ndaj 78 individëve dhe shtatë entiteteve të Bjellorusisë për shkak të uljes së detyruar të aeroplanit të një linje ajrore evropiane, thanë diplomatët, transmeton AFP.

BE-ja po e ndëshkon Bjellorusinë për shkak se autoritetet e këtij vendi më 23 maj devijuan dhe e detyruan të ulet në Minsk një aeroplan që udhëtonte nga Greqia për në Lituani. Pasi ateroi në Minsk ata e arrestuan gazetarin dhe aktivistin e opozitës Raman Pratasevich, dhe të dashurën e tij.

Shtatë individë janë sanksionuar për përfshirje të drejtpërdrejtë në incident ndërsa 71 individë dhe entitete janë shënjestruar për shtypjen ndaj opozitës, thanë diplomatët.

Sanksionet pritet miratohen zyrtarisht të hënën në takimin e ministrave të jashtëm të BE-së.

BE-ja tashmë ka bllokuar linjat ajrore bjelloruse që të fluturojnë në hapësirën ajrore të bllokut 27 anëtarësh.

Brukseli gjithashtu është duke u angazhuar për të goditur sektorët kryesorë të ekonomisë bjelloruse. Alyaksandr Lukashenka, e ka drejtuar Bjellorusinë që nga viti 1994 dhe gëzon mbështetjen e Rusisë.

Bjellorusia është përfshirë në protesta prej kur Lukashenka është shpallur fitues i zgjedhjeve të mbajtura në gusht të vitit 2020.

Perëndimi dhe opozita bjelloruse besojnë se zgjedhjet janë manipuluar.

Prej atëherë, me dhjetëra mijëra persona janë ndalur, qindra janë rrahur dhe torturuar.

Shefja e opozitës bjelloruse, Svyatlana Tsikhanouskaya, në një intervistë ekskluzive të dhënë në selinë e Radios Evropa e Lirë në Pragë më 8 qershor, i bëri thirrje Perëndimit që të vendos sanksione më të ashpra ndaj qeverisë së Alyaksandr Lukashenkas.

Sipas saj, ato janë mënyra e vetme për të dëmtuar regjimin aurotitar të sunduesit të Bjellorusisë.

Pas zgjedhjeve Tsikhanouskaya u largua nga Bjellorusia dhe shkoi në Lituani pasi kishte shqetësime për sigurinë e saj dhe të familjes.

Lexo edhe :   Varianti i ri/SHBA i bashkohet BE në kufizimin e fluturimeve nga Afrika e Jugut
Lexo edhe :   Varianti i ri/SHBA i bashkohet BE në kufizimin e fluturimeve nga Afrika e Jugut

Opozita thotë se zgjedhjet u fituan nga Tsikhanouskaya./REL

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...