Ka përfunduar ndeshja Kukësi-Tirana!
Ka qenë një javë e vështirë për ekipin e Tiranës kjo e fundit.
Pas akuzave për tolerim të ndeshjes së parë të gjysmëfinales së Kupës së Shqipërisë ndaj Bylisit tashmë bardheblutë marrin dhe një goditje të fortë dhe në garën për titullin kampion.
Djemtë e Egbo u mundën në shtëpi me rezultatin 1-2 pikërisht nga rivalët kryesorë të Kukësit, të cilët tashmë e shkurtuan diferencën në 6 pikë.
Ishte një ndeshje e bukur dhe me shumë raste për të dyja ekipet, por që verilindorët arritën të dilnin triumfues duke rihapur edhe njëherë kampionatin.
Në pjesën e parë të dy ekipet hynë në fushë më shumë për të studiuar njëra-tjetrën sesa për të sulmuar.
Tirana ishte e vendosur mirë në fushën e lojës, por shpërdoroi shumë.
Në pjesën e dytë miqtë kalojnë në avantazh në minutën e 59 pas një topi të grushtuar nga portieri i Tiranës, i cili u çua në rrjetë nga Cooper.
Bardheblutë hidhen të gjithë në sulm për të barazuar, por fati nuk është me ta. Finalizimi mungon.
Dhe në zbatim të rregullit të pashkruar të futbollit, Kukësi hidhet në kundërsulm dhe dyfishon rezultatin me Ethemin në minutën e 84.
Tirana gjen rrjetën në minutën e fundit të shtesës me Ngoo, por është shumë vonë, shkruan “A2”.
Tashmë dhe 4 javë nga përfundimi i kampionatit gara për të ngritur trofeun është më e hapur se kurrë, duke parë që Tirana në ndeshjen e ardhshme përballet me rivalët e përjetshëm të Partizanit.
