Ka përfunduar mbledhja e radhës e Këshillit Politik për Reformën Zgjedhore e thirrur nga bashkëkryetari i Komisionit Parlamentar për Reformën Zgjedhore, Damian Gjiknuri.
Në një prononcim për mediat, Gjiknuri tha shpreson që drafti i përfunduar me të gjitha amendimet të jetë gati të martën për në komisionin e Reformës Zgjedhore e më pas në Parlament.
“Dakortësuam pjesën më të madhe të amendimit, roli i medias dhe financimit të fushatës zgjedhore deri të hënën do kemi të plotë të gjitha amendimet ligjore përfshirë dhe të gjithë elementët që kemi rënë dakord dhe marrëveshjes.
Të martën shpresoj të çoj zyrtarisht draftin në komisionin e reformës zgjedhore e më pas të shkojë në Parlament.
KQZ s’ka ndonjë element surprizë, po diskutojmë mekanizma të fundit për procedurën e përzgjedhjes së anëtarëve. Ekspertëve iu la detyrë që brenda të hënës ta përmbyllin paketën”, tha ai.
