Kur Donald Trump priti në prill Xi Jinping në Florida, ai nënshkroi një plan veprimi prej 100 ditësh për të forcuar lidhjet ekonomike mes dy fuqive të para botërore.
Tre muaj më vonë, kjo dashuri e shkurtër duket se ka përfunduar.
Megjithatë presidenti amerikan nuk i kursen elozhet për homologun e tij kinez.
“Një mik për të cilin ka respektin më të madh, një drejtues i madh, një njeri plot talent”, tha ai të enjten në Paris, në krahë të presidentit francez, Emmanuel Macron.
Por edhe nga Pekini, ministri kinez i Punëve të Jashtme përgëzoi faktin se “që prej takimit të dy krerëve në Mar a Lago (në Florida) bashkëpunimi ekonomik mes Kinës dhe SHBA-së ka përparuar”.
Zëdhënësi Geng Shuang mburi shpirtin e konsensusit mes Xi dhe Trump që mundësoi lehtësimin e planit të veprimit prej 100 ditësh.
Që kur është bërë president, Trump bëri një kthesë në çështjen monetare dhe deklaroi në maj një marrëveshje me Kinën që ajo të blejë mish lope dhe gaz në SHBA, me shpresën për të reduktuar deficitin tregtar gjigant prej 347 miliardë dollarësh që ishte në vitin 2016.
“Por në dosie të tjera si Koreja e Veriut, deti i Kinës Jugore, Tajvani dhe të drejtat e njeriut, sinjalet janë bërë ngjyrë e kuqe dhe dy gjigantët janë shumë larg njëri nga tjetri”, thekson Evans Revere, i institutit “Brookings Institution” në Uashington.
“Durimi i SHBA-së kundrejt Kinës po shuhet, veçanërisht fakti për të besuar Pekinin për Korenë e Veriut”, shpjegon Revere.
Eksperti si provë për këtë sjell sanksionet amerikane të ndërmarra në fillim të korrikut kundër një banke kineze, “Bank of Dandong” e akuzuar se favorizon transaksionet në përfitim të kompanive të lidhura me programin e raketave balistike koreanoveriore.
Në këtë kontekst hyn edhe fluturimi në korrik i një avioni ushtarak mbi detin e Kinës Jugore dhe ai i lundrimit të një luftëanieje pranë një ishulli nën kontroll kinez.
Madje Uashingtoni ka miratuar gjithashtu këtë muaj shitjen e 1,3 miliardë dollarëve armë për Tajvanin, një ishull de fakto i pavarur por që Kina komuniste nuk heq dorë nga përpjekjet për ta rimarrë, raporton ATSH.
Në fushën e të drejtave të njeriut, ndërkohë që dukej sikur administrata Trump dukej se nuk i kishte prioritet ashtu si në kohën e Onbamas, departamenti i Shtetit ka rritur deklaratat kritikuese kundër Pekinit, për respektimin e lirive në Hong Kong, për represionin kundër avokatëve si dhe për burgosjen dhe vdekjen e fituesit të çmimit Nobel të paqes, Liu Xiaobo.
“Sigurisht që presidenti amerikan vazhdon të mbulojë me elozhe homologun e tij kinez, por kjo është për të lënë derën e hapur në rast të ndryshimit të sjelljes nga Pekini kundrejt Phenianit dhe për të ruajtur marrëdhënien amerikano-kineze”, thotë Revere.
