Ardit Gjebrea ka shprehur revoltën e tij ndaj një shkrimi të mediave serbe, ku komentonin se në një nga daljet e Anxhela Peristerit në Eurovision, bënte shqiponjën. Më herët, në një prej paraqitjeve të saj para mediave, Anxhela ka bërë shqiponjën dykrenare, si simbol i vendit tonë. Kaq mjaftoi që menjëherë të shpërthenin komentet negative nga serbët, e madje edhe mediat nuk e lanë me kaq.
View this post on Instagram
Në artikullin e “Novosti-t” thuhet se në prag të mbajtjes së natës gjysmëfinale të “Eurovisionit”, ndodhi një skandal. Sipas “Novosti-t”, ky veprim u cilësua si provokim.
“Skandal në Eurovision: Simboli i Shqipërisë së Madhe, një provokim i turpshëm para gazetarëve”, ishte titulli i medias serbe. Ndaj këtij artikulli ka reaguar producenti Ardit Gjebrea, i cili i ka konsideruar të sëmurë mendorë.
