Edhe pse prej javësh tashmë vendi ndodhet nën izolim, punimet për bypass-in e Fierit vijojnë.
Lajmin e ka bërë të ditur kryeministri Rama, i cili thotë se kjo është një vepër shumë e rëndësishme infrastrukturore.
Përmes një postimi në Facebook, kreu i qeverisë shprehet se janë marrë të gjitha masat e sigurisë për parandalimin e përhapjes së COVID-19, duke pajisur punonjësit me maska dhe doreza si dhe duke respektuar distancat e përcaktuara.
Ai ka shpërndarë edhe një video të Ministres Belinda Balluku dhe kreut të ARRSH, Ergys Verdho, të cilit ishin ndodheshin në terren për të inspektuar masat e marra dhe për të parë ecurinë e punimeve.
Në terren u raportua nga inxhinierët se ka vonesa në furnizimin me material të parë nga kompani në Gjermani, Itali dhe Greqi. Balluku tha se për shkak të këtyre vonesave përfundimi i projektit do shtyhet pak në kohë, por premtoi që afati final do të jetë brenda muajit maj. Ky projekt supozohej të përfundonte më 1 maj.
Postimi i plotë:
? KANTIERET E RIHAPURA, BYPASS-I I FIERIT – EDHE KËTU SI NË GJITHË KANTIERET E RIHAPURA NË VEND, PO PUNOHET NORMALISHT. SYNOJMË PËRFUNDIMIN E KËSAJ VEPRE TË RËNDËSISHME INFRASTRUKTURORE SA MË SHPEJT.
? JANË MARRË TË GJITHA MASAT E SIGURISË PËR PARANDALIMIN E PREKJES NGA ?COVID-19, DUKE PAJISUR PUNONJËSIT ME MASKA DHE DOREZAT MBROJTËSE SI DHE GARANTUAR DISTANCAT E SHËNDETSHME.
MINISTRJA BELINDA BALLUKU MBIKQYR ECURINË E PUNIMEVE DHE GARANTIMIN E STANDARDEVE TË SIGURISË.
